ایک نیوز:وزیر خزانہ سینیٹر محمد اورنگزیب  نے فچ ریٹنگز کی جانب سے پاکستان کی ریٹنگ اپ گریڈ کرنے کا خیر مقدم کیا ہے۔

تفصیلا ت کے مطابق  وزیر خزانہ اورنگزیب  نے کہا ہے کہ  فچ ریٹنگز کی جانب سے پاکستان کی ریٹنگ کو ٹرپل سی پلس سے بی مائنس کرنا ہماری معاشی اصلاحات اور پالیسیوں پر اعتماد کا بھرپور اظہار ہے، فچ ریٹنگز نے 3سال کے طویل عرصہ کے بعد پاکستان کی ریٹنگ کو اپ گریڈ کیا ہے اور ہمارے معاشی آؤٹ لک کو مستحکم قرار دیا ہے۔

انہوں نے کہا  فچ ریٹنگز کے اقدامات سے حکومت کے معاشی ایجنڈے کو مزید تقویت ملے گی،اس پیشرفت کے بعد ملک میں مزید سرمایہ کاری، تجارت،روزگار کے مواقعوں میں اضافہ،صنعتی ترقی اور اضافی مالی وسائل دستیاب ہوں گے۔

ان کا مزید کہناتھا کہ حکومت معاشی اصلاحات اور معاشی استحکام کا سفر جاری رکھے گی، آنے والے قت میں ملکی معیشت میں مزید بہتری اور استحکام آئے گا، آگے چل کر عالمی ریٹنگ ایجنسیوں، سرمایہ کاروں اور مالیاتی اداروں کا پاکستان پر اعتماد اور بھروسہ مزید بڑھے گا۔